Быць бядзе, калі дзеці без нагляду…

Дата: 3 августа 2020 в 15:57

229 просмотров

Два пажары з-за свавольства дзяцей з агнём адбыліся ў раёне за выхадныя дні. Днём першага жніўня трое дзяцей гулялі ля скірдаў саломы ў полі непадалек ад аграгарадку Капланцы. Адзін з хлапчукоў, жыхар Мінску, неаднаразова спрабаваў падпаліць салому. Урэшце адна спроба аказалася, на жаль, удалай. Загарэліся цюкі з саломай, ААТ “Бярэзінскі” страціла ў выніку пажару 15 тон сена, 10 тон змаглі выратаваць пажарныя. Дзеці не пацярпелі.
У гэты ж дзень шасцера дзяцей з Мікуліч паехалі на веласіпедах гуляць у поле ля вескі Смалярня. Двое з іх – мясцовыя хлапчукі, вучні Паплаўскай школы, чацвера – прыезджыя. Як і ў першым выпадку, дзеці бегалі па тюках з саломаю. У аднаго з хлапчукоў аказаліся з сабою запалкі і ён дзеля свавальства падпаліў салому. У выніку гэтага пажару ААТ “Першамайскі” панесла страты ў памеры трох тон сена. Дзеці не пацярпелі.
У абодвух выпадках пажар учынілі школьнікі. Вядзецца следства і высвятляюцца ўсе акалічнасці здарэнняў. Відавочна, што вінаватыя не толькі дзеці, але і іх бацькі. Адсутнасць кантролю за гульнямі дзяцей, пакіданне запалак у зоне дасягальнасці для малых – тыя фактары, што падштурхоўваюць дзяцей да гульні з агнем. Нагадваем: за ўчынкі дзяцей даводзіцца плаціць дарослым. І калі ў адным выпадку справа заканчваецца штрафам і прафілактычнай работай з сям’ёй, то іншы раз бывае і так, што можна страціць жыццё дзіцяці з-за ўласнай неабачлівасці. Кантралюйце гульні дзяцей, нагадвайце ім правілы бяспекі падчас гульняў на дарозе, пры адпачынку ля вады, абавязкова расказвайце пра небяспечнасць гульняў з запалкамі.
Вольга Данэйка, інспектар прапаганды РАНС

Все новости

Комментарии:

Оставлять комментарии могут только авторизованные посетители.